家長們與小朋友福音，萬眾期待嘅「MOKO動樂園！」正式以全面貌示人喇！佔地18,000呎嘅大型 遊樂場 「MOKO動樂園！」除咗有一系列好玩刺激嘅遊樂設施可以比小朋友盡情放電，樂園設計仲融合咗旺角地區特色，添加動植物生態及多元環保概念，實行寓教於樂！
旺角全新親子好去處 18,000呎大型 遊樂場 開幕
被喻為親子界福音嘅「MOKO動樂園！」佔地18,000呎，集玩樂、探索、教育、休憩及打卡於一身，當中包括近50米、全港最長嘅「動感攀爬天地」，超長嘅攀爬牆充滿挑戰性，最啱身手非凡同極具冒險精神嘅小朋友挑戰！場內更有8米高嘅大型遊樂設施、由山丘及山洞組成嘅探索隧道及6組縱橫交錯嘅滑梯，最高一組更高達3.8米，超刺激嘅遊樂體驗絕對會令小朋友樂而忘返！
今次遊樂場嘅設計意念更特別取材於旺角著名嘅雀仔街及花墟，將旺角專屬嘅地區本土特色融入當中，帶嚟一系列生動有趣嘅雀鳥主題遊樂設施。場內嘅「自然生態區」以生動插畫介紹鸚鵡繁殖及成長的過程，亦有動植物生態的冷知識，利用簡單而引人注目嘅圖畫帶出背後意念，讓小朋友邊玩邊學。
「MOKO動樂園！」更糅合環保概念，包括循環再用安全地墊的玩樂設施、提倡可再生能源的流動裝置充電設施、活用水資源的飲水機，以及善用綠化資源的休閒空間等，將呢個旺角全新標誌性放電樂土打造成最型嘅綠色玩樂天堂，等小朋友可以盡情放電之餘，同時認識動植物生態及提升環保意識，可以話係一舉多得！
「MOKO 動樂園！」
地點：MOKO 新世紀廣場 L3樓層MOKO 動樂園！ (近「食代館」)
開放時間：10:00am – 7:00pm