想一次過睇晒當代藝術、油畫、水彩、中國書畫、雕塑，甚至裝置藝術同埋數碼藝術？幫緊你！幫緊你！即將喺亞洲國際博覽館（亞博館）舉行嘅嶄新藝術文化盛事，可以滿足晒你嘅願望！大約150位香港傑出藝術家將齊聚一堂，展出超過500件唔同媒介藝術品，絕對目不暇給。即日起至9月底，乘搭機場快綫去亞博館仲有期間限定車費優惠，即日來回只需 $47^#！
作為亞洲文化樞紐，香港一直是藝術家嘅主要舞台。9月23-25日，亞博館將會舉行「一帶一路國家文化藝術交流博覽會」暨「第四屆香港國際藝術及收藏品博覽會」。由香港傑出藝術家領軍嘅「沙漠菁泉 香港傑出藝術家匯展」，聯同本地畫廊展出橫跨9大藝術範疇嘅藝術品，為一眾藝術家提供發揮同展出平台之餘，亦都等大家可以親身體會本地多元藝術風采，為文化藝術愛好者創造藝術氛圍，推廣香港發展成為國際藝術文化之都，讓「文化沙漠」變成綠洲。
為咗加強各國文化溝通交流，等大眾可以近距離咁欣賞唔同國家嘅文化同埋藝術嘅獨特魅力 ，同期仲會有其他精彩活動！其中包括邀請多個「一帶一路」沿線國家嘅領事，分享世界各地嘅藝術、文化遺產以及一帶一路所帶嚟嘅新機遇，等我哋身處喺香港都能夠感受到嚟自意大利、俄羅斯、哈薩克、土耳其、坦桑尼亞等非凡嘅藝術設計，一次暢遊近20個國家文化旅程，機會難得，立即展開新旅程，了解各地文化精粹！
會場其實仲有好多唔同形式嘅延伸活動㗎，例如係國畫比賽啦！中國畫歷史文化源遠流長，當中蘊含住豐富嘅精神修養和內涵。大會舉辦「全港中小學中國畫比賽」，等學生有機會了解多啲祖國嘅文化底蘊，從而提高藝術鑒賞力同審美能力。略嫌靜態？展會期間將會有國畫大師現場指導國畫技巧，學習同體驗國畫樂趣！仲有聲樂娛樂—「非洲鼓體驗」活動，一齊嚟享受非洲鼓獨一無二嘅節拍、活力、生命力和創造力！
即日起至9月底，乘搭機場快綫仲有期間限定車費優惠，只要經香港站或者九龍站特設嘅櫃台，出示亞博館活動證明同用八達通換購車飛，即日來回只需 $47^！如果喺青衣站轉機場快綫，用同一張八達通嘅話，即日來回都只係$47#，仲包埋往返青衣站添！真係好抵啊！
一帶一路國家文化藝術交流博覽會暨第四屆香港國際藝術及收藏品博覽會
日期：2022年9月23日 – 25日
時間：11:30-19:00
地點：香港亞洲國際博覽館AsiaWorld-Arena & AsiaWorld-Summit
備註：
^乘客必須於入閘前，前往機場快綫香港站或九龍站之特設櫃台 [位於L2 層「往機場/博覽館」入閘大堂]，憑活動證明及八達通換購車票。
#乘客必須使用同一張八達通，即日往返市區與博覽館站，並於博覽館逗留超過1小時或以上(以博覽館站出閘至回程入閘時間計算)。乘客於市區入閘時會被扣八達通單程車費，多收的車費會於回程出閘時自動退回八達通內。
*資料由客戶提供
*以上資料及圖片僅供參考作用