帽子巡遊係歐美傳統慶祝復活節的盛大慶典，今個復活節維港出現首個復活節帽子巡遊！大家可帶同小孩、毛孩行勻維港海岸線，4個海濱主題區有不同表演，俾大家開心慶祝。

《維港復活節帽子巡遊 2023》起點係「東岸公園主題區」，大家可先欣賞精彩表演，而萌爆復活兔及小丑會全程伴大家暢遊海濱。

第二站係銅鑼灣「活力避風塘主題區」，百變小丑扭出開心造型汽球。

第三站係灣仔「水上運動及康樂主題區」，大家可以睇到單輪車嘉年華式巡遊，大會更送上限量朱古力復活蛋。