![維港首個復活節帽子巡遊 港島4大海濱主題區變嘉年華](https://metrohitpicks.com/wp-content/uploads/2023/03/0707-holiday-795x385.png)
帽子巡遊係歐美傳統慶祝復活節的盛大慶典,今個復活節維港出現首個復活節帽子巡遊!大家可帶同小孩、毛孩行勻維港海岸線,4個海濱主題區有不同表演,俾大家開心慶祝。
《維港復活節帽子巡遊 2023》起點係「東岸公園主題區」,大家可先欣賞精彩表演,而萌爆復活兔及小丑會全程伴大家暢遊海濱。
![](https://metrohitpicks.com/wp-content/uploads/2023/03/125_維港復活節帽子巡遊2023_炮台山_東岸公園主題區-1024x683.jpg)
第二站係銅鑼灣「活力避風塘主題區」,百變小丑扭出開心造型汽球。
第三站係灣仔「水上運動及康樂主題區」,大家可以睇到單輪車嘉年華式巡遊,大會更送上限量朱古力復活蛋。
![](https://metrohitpicks.com/wp-content/uploads/2023/03/116_維港復活節帽子巡遊2023_灣仔水上運動及康樂主題區-1024x683.jpg)
終點係灣仔「HarbourChill 海濱休閒站」,幼稚園和專業舞蹈團隊送上表演。大家亦可享受大會準備的爆谷和棉花糖,以及參加終極「維港開心碌碌復活蛋大挑戰」,完成挑戰即可獲贈小禮品,送完即止。
![](https://metrohitpicks.com/wp-content/uploads/2023/03/112_維港復活節帽子巡遊2023_將設巡遊終站大滙演-1024x743.jpg)
首百位完成全程四大 checkpoint 並於「帽子巡遊小冊子」集齊印花的參加者,亦可領取證書及小禮品!凡成功預先登記報名的參加者可免費獲贈特別版維港復活節造型帽子乙頂。
維港復活節帽子工作坊
至於堅尼地城「卑路乍灣海濱長廊」同荃灣海濱長廊在3月25日舉行免費《維港復活節帽子工作坊》。大家可以在導師指導下,以大會提供的 DIY 物料包,設計兼製作獨一無二又適合自己的靚靚帽子,大家更可自攜環保物料發揮創意。完成工作坊更可於《維港復活節帽子巡遊 2023》領取證書及換取小禮物。
![](https://metrohitpicks.com/wp-content/uploads/2023/03/120_維港復活節帽子工作坊_堅尼地城卑路乍灣海濱長廊及荃灣海濱長廊-1024x683.jpg)
小朋友創建遊樂場
此外,智樂兒童遊樂協會在復活節期間於前紅磡碼頭巴士總站空地舉行「Pop Up 二份一遊樂場之復活節特別版」。大會加入復活節特色及元素,先行創造半個遊樂場,其餘一半就交由小朋友接手,善用不同物資和工具,玩出屬於小朋友的二份一遊樂場。
《維港復活節帽子巡遊 2023》
日期:2023 年 4 月 2 日 (星期日)
時間:14:30-18:00
地點:炮台山至灣仔
費用:全免
活動詳情: https://www.hfc.org.hk/tc/hss/easter2023.html
維港復活節帽子工作坊
日期: 2023年3月25日(星期六)
時間:14:00-17:00
地點:堅尼地城「卑路乍灣海濱長廊」及荃灣海濱長廊
費用: 全免
報名方法: https://bit.ly/3JKE7C6