台灣人氣插畫社交平台及盲盒玩具品牌「狗狗的小跳步，繪蹦砰！」聯乘「吃貨恐龍」日本童話系列，嚟咗置富Malls 旗下3大商場同香港嘅朋友仔見面呀。今次豬仔包媽媽帶豬仔包去睇咗馬鞍山廣場「桃太郎航海美食探險記睇下有幾好玩！

3大童話場景全部都係以大家耳熟能詳嘅經典故事做主題，包括馬鞍山廣場「桃太郎航海美食探險記」、天水圍+WOO嘉湖「 浦島太郎深海龍宮吃貨派對」同紅磡置富都會「 金太郎勇闖森林美食團 」，3大主要角色吃貨恐龍、富士山雷龍同吃貨動物，今次沒有斬妖除魔，全部變身做食神，響海陸到處找尋山珍海味，響3大夢幻場景陪大家打卡，實行過一個吃貨復活節。

媽媽同豬仔包率先去咗馬鞍山廣場，同「桃太郎」版嘅吃貨恐龍，仲有佢哋嘅團隊打個招呼。今次團隊攻打嘅唔係鬼島，轉換咗航道去咗美食島，共有4大打卡場景。

近5米高嘅冒險船「吃貨第一號」揚起印上吃貨「桃太郎」團隊嘅主帆，「小浣熊」船長遠目覓食，同時歡迎大家體驗舵手滋味。