有「萬金油大王」之稱已故華僑商人胡文虎嘅一級歷史建築「 虎豹別墅 」，因營運赤字，上年12月提早交還畀政府，令到導賞團都忽然急煞停，市民冇得參加導賞喇！

直至6月20日接受可報名

好消息！6月9日開始，逢星期五、六、日同埋公眾假期，重新舉辦 虎豹別墅 導賞團，由即日開始至6月20日接受報名，每團名額24人，每人申請限額為2人。

喺度介紹番 虎豹別墅 嘅歷史畀大家知。虎豹別墅 係胡文虎嘅大宅，1936年落成，由樓高4層嘅主樓、私人花園同埋工人宿舍組成，喺2009年獲評做一級歷史建築。

透過今次導賞團，導賞員帶領大家參觀別墅嘅私人花園同大部份室內空間，仲會講解佢哋嘅歷史、建築特色同埋文物價值。有興趣參觀嘅市民，記得喺以下連結報名。