![麵包超人秋日祭登陸新蒲崗 4大親子活動+3大可愛打卡位](https://metrohitpicks.com/wp-content/uploads/2023/10/0915-music-1-795x385.jpg)
踏入10月,日本好多地方都開始舉行各式各樣嘅秋日祭典,麵包超人就帶埋佢一班可愛朋友仔嚟咗新蒲崗一個商場舉行秋日祭。Blogger媽媽同豬仔包就充當親子試玩員,率先同麵包超人打卡兼玩遊戲,感受祭典嘅獨特氣氛,係一個親子好去處。
![好去處-麵包超人-秋日祭-打卡-遊戲2](https://metroeducationplus.com.hk/wp-content/uploads/2023/10/-2-2-1024x768.jpg)
《 麵包超人秋日祭》設有3大主題打卡位及4大親子玩樂活動,包括:主題打卡位、巨型燈籠架、秋日打卡牆和祭典攤位車。親子玩樂活動方面就有:「麵包超人秋日祭歡樂盒」小手作坊、麵包超人玩具試玩、攤位遊戲同小車手暢遊玩樂區。
巨型燈籠架勁日系
![好去處-麵包超人-秋日祭-打卡-遊戲1](https://metrohitpicks.com/wp-content/uploads/2023/10/好去處-麵包超人-秋日祭-打卡-遊戲1-768x1024.jpg)
一去到場內,豬仔包已經被麵包超人同佢一班朋友深深吸引住,4米長嘅「秋日打卡牆」前,可以揾到BB超人、方包超人、咖哩包超人同小精靈嘅蹤影。「祭典攤位」就有麵包超人、細菌小子、蜜瓜包妹妹同紅精靈歡迎大家,再加埋兩幅高高嘅「巨型燈籠架」,真係打卡打不停。
攤位遊戲考手眼協調
![好去處-麵包超人-秋日祭-打卡-遊戲5](https://metroeducationplus.com.hk/wp-content/uploads/2023/10/-5-2-768x1024.jpg)
豬仔包同媽媽瘋狂打卡後,就試玩多款會場限定嘅麵包超人玩具,以及一嘗做小車手樂趣同大玩攤位遊戲,全部都係免費。成功挑戰「百發百中保齡球」同「神射投球手」兩個攤位遊戲,仲可以獲取貼紙,換取「麵包超人秋日祭明信片」,遊戲考驗小朋友手眼協調同投球技巧之餘仲有禮物,真係開心。
![好去處-麵包超人-秋日祭-打卡-遊戲4](https://metroeducationplus.com.hk/wp-content/uploads/2023/10/-4-2-768x1024.jpg)
精品服飾優先發售
![好去處-麵包超人-秋日祭-打卡-遊戲6](https://metroeducationplus.com.hk/wp-content/uploads/2023/10/-6-2-1024x875.jpg)
除咗打卡同試玩之外,場內仲有「 麵包超人期間限定店」,不論係玩具、精品、服飾同扭蛋都可以揾到,部分商品仲係優先發售添,真係樣樣都想帶哂番屋企。
週末好去處 |環保概念之旅免費遊 4D電影+玩AR/VR遊戲+導覽
期間限定店消費滿$100或以上,便可參加「 麵包超人秋日祭歡樂盒」小手作坊,小朋友可以製作一個專屬既麵包超人歡樂盒;消費滿$200或以上,仲可以換領「麵包超人秋日祭限量掛飾」添。
![好去處-麵包超人-秋日祭-打卡-遊戲8](https://metroeducationplus.com.hk/wp-content/uploads/2023/10/-8-1-1024x768.jpg)