踏入10月，日本好多地方都開始舉行各式各樣嘅秋日祭典，麵包超人就帶埋佢一班可愛朋友仔嚟咗新蒲崗一個商場舉行秋日祭。Blogger媽媽同豬仔包就充當親子試玩員，率先同麵包超人打卡兼玩遊戲，感受祭典嘅獨特氣氛，係一個親子好去處。

《 麵包超人秋日祭》設有3大主題打卡位及4大親子玩樂活動，包括：主題打卡位、巨型燈籠架、秋日打卡牆和祭典攤位車。親子玩樂活動方面就有：「麵包超人秋日祭歡樂盒」小手作坊、麵包超人玩具試玩、攤位遊戲同小車手暢遊玩樂區。