踏入10月，日本好多地方都開始舉行各式各樣嘅秋日祭典，麵包超人就帶埋佢一班可愛朋友仔嚟咗新蒲崗一個商場舉行秋日祭。Blogger媽媽同豬仔包就充當親子試玩員，率先同麵包超人打卡兼玩遊戲，感受祭典嘅獨特氣氛，係一個親子好去處。

《 麵包超人秋日祭》設有3大主題打卡位及4大親子玩樂活動，包括：主題打卡位、巨型燈籠架、秋日打卡牆和祭典攤位車。親子玩樂活動方面就有：「麵包超人秋日祭歡樂盒」小手作坊、麵包超人玩具試玩、攤位遊戲同小車手暢遊玩樂區。

巨型燈籠架勁日系

一去到場內，豬仔包已經被麵包超人同佢一班朋友深深吸引住，4米長嘅「秋日打卡牆」前，可以揾到BB超人、方包超人、咖哩包超人同小精靈嘅蹤影。「祭典攤位」就有麵包超人、細菌小子、蜜瓜包妹妹同紅精靈歡迎大家，再加埋兩幅高高嘅「巨型燈籠架」，真係打卡打不停。

攤位遊戲考手眼協調