![海事博物館親子同樂日 蠔礁修復工作坊+講故事+導賞團](https://metrohitpicks.com/wp-content/uploads/2023/10/0815-795x385.jpg)
行博物館可以動腦又動手!香港海事博物館將於10月28日免費開放,舉辦一系列親子活動,8大活動包括互動遊戲、攤位、手繪工作坊、海洋生物猜猜估估遊戲,俾大人小朋友開心學習海洋生態知識。
推廣海洋保育
![好去處-海事博物館-免費-同樂日-工作坊7](https://metroeducationplus.com.hk/wp-content/uploads/2023/10/-7-2-1024x682.jpg)
香港海事博物館舉行嘅「太古親子同樂日」,將會推廣海洋保育,帶小朋友發掘及了解更多海洋生物知識。
製作貝殼聖誕裝飾
![好去處-海事博物館-免費-同樂日-工作坊5](https://metroeducationplus.com.hk/wp-content/uploads/2023/10/-5-1-1024x576.png)
精選活動包括蠔礁工作攤位和「蠔礁修復與蠔礁生態價值」海洋工作坊,大家可以認識香港蠔礁修復工作,同埋透過VR虛擬實境裝置參觀白泥,進行貝殼繪畫和製作貝殼聖誕裝飾。而喺海洋工作坊上,大家可參與互動小手工製作,利用回收材料製造礁球。
3D打印珊瑚藝術作品
![好去處-海事博物館-免費-同樂日-工作坊2](https://metroeducationplus.com.hk/wp-content/uploads/2023/10/-2-5-1024x768.jpg)
另一活動——珊瑚藝術攤位可以俾大家認識珊瑚生態知識及它們所面對的威脅,仲可以接觸到珊瑚模型和珊瑚骨骼標本,真係難得!大家可透過3D立體打印筆,設計獨一無二珊瑚藝術作品,仲可以帶返屋企留念。鍾意藝術嘅小朋友亦可參加手繪工作坊,畫上可愛嘅海洋動物、船隻或燈塔。
當日有講故事工作坊,工作坊以香港觀鳥會最新出版兒童繪本《魯魯詩詩歷險記 粉紅燕鷗的遷徙故事》為題,講述燕鷗遷徙之旅。