小朋友電力十足，彈床城堡最啱佢哋放電。來自新加坡嘅Bouncetopia by Kiztopia喺香港開首間海外分店，有13個站點，親子試玩員豬仔包同媽媽率先試玩，形容充氣彈床城堡「長到見唔到盡頭」，絕對係放電之選。PAGE BREAK
Bouncetopia首間海外旗艦店
新加坡首屈一指嘅最大型親子遊樂中心Kiztopia響榮獲2021年度新加坡旅遊局最佳景點體驗後，積極開拓海外市場，佢哋又有新店快將響香港開幕。
今次新店設於啟德嘅新商場 AIRSIDE裡面，係Kiztopia旗下響新加坡擁有️兩所門店嘅充氣彈床親子遊樂中心Bouncetopia by Kiztopia嘅首間海外分店。
一體式充氣彈床城堡
香港呢間Bouncetopia海外旗艦店，以熱帶叢林為主題，佔地超過8,000呎，一體式巨型兒童充氣彈床城堡總長度逾54米，全場分為️13個站點，係Bouncetopia by Kiztopia目前最大嘅門店嚟。
彈床遊樂場全長逾️54米
媽媽同豬仔包率先試玩呢個結合「玩樂、學習同親子遊樂」嘅升級版彈床遊樂場。一入場先戴好手帶，豬仔包已急不及待衝上彈床城堡玩，呢個全長逾️54米嘅充氣彈床城堡真係長到見唔到盡頭，豬仔包瘋狂疾走，媽媽響後面追，真係追到盡頭先捉得番佢。
️13個玩樂站超吸引
️13個玩樂站點，包括：
-砂粒玩樂池
-玩樂熱身站
-親子叢林打卡站
8站低衝擊的障礙遊戲
-猴子Mark之亞熱帶水果園
-恐龍Drago之激流漂流
-小熊Bell之蜜糖競技場
-蜜蜂Honey之跳彈花園
-兔子Raby之跨越蘿蔔田
-河馬Happy之舞出迷宮
-老虎Tiger之勇闖河灣
-小象Eli之滑滑探險船
兩站職業體驗區
-兔子Raby叢林超市體驗
-小熊Bell水吧體驗
豬仔包最鍾意係小象Eli超過️3米高嘅探險船滑梯同埋老虎Tiger區嘅攀爬牆，淨係玩呢兩個區，豬仔包都冇咗一半電。
媽媽好鍾意個充氣彈床城堡係一體式，小朋友玩嘅時候會更安全，媽媽可以好放心坐響親子叢林打卡站抖抖。
靜態區發揮小朋友創造力
響彈床放完一輪電，我哋就轉戰靜態嘅砂粒玩樂池同️兩個職業體驗區，豬仔包當然又係玩到唔捨得走，仲差啲忘記除番圍裙同帽添。呢️3個靜態區域能夠充份發揮小朋友創造力，仲有助建立社交技巧、自信心和自尊心，真係做到遊戲中學習，寓學習於玩樂。
預售期內設早鳥優惠
Bouncetopia by Kiztopia將於12月中旬開幕，設有️3款門票可選擇：單次入場、10次入場或年票。門票可於Kiztopia香港官網、Klook或手Bouncetopia門店購買。
為慶祝首間海外旗艦店開幕，即日至12月14日預售期間，更可享️85折早鳥優惠（30分鐘單次入場門票除外），親臨Bouncetopia門店訂購，更可額外獲贈禮品添，心動不如行動，記得早啲買定飛去試玩啦。