本港擁有唔少海洋野生動物，橫跨三個月嘅「賞．惜」海洋野生動物節現正舉行，一家大小可以參觀展覽、參加教育攤位、工作坊、講座等，讓小朋友從小珍惜本港寶貴嘅海洋資源，學習同牠們和諧共處。

由漁護署主辦，香港海洋公園、香港海洋公園保育基金同世界自然基金會香港分會協辦嘅「賞 • 惜」海洋野生動物節1月11日正式開始！海洋野生動物節以保護本港海洋物種（包括鯨豚類動物、馬蹄蟹同珊瑚）為主題，透過展覽、教育攤位同工作坊、教育講座、影片播放等一系列活動，向大家推廣尊重、愛護同欣賞海洋野生動物嘅信息。

首站大埔元洲仔舉行

第一站喺大埔元洲仔自然環境保護研究中心舉行，當中包括一系列精彩活動：教育攤位和工作坊保育專題講座、影片播放及展覽。一邊玩一邊學習尊重、愛護及欣賞海洋野生動物。大家參與活動後可獲得精美紀念品一份！

第二站海洋公園

第二站喺香港海洋公園威威天地舉行，當中亦會有一系列精彩活動，包括教育展板、保育講座、影片播放、教育攤位、香港海洋生物救護及教育中心導賞團、手偶劇及拍照區，歡迎大家參與。收集活動印章後仲可以獲得精美紀念品一份！

學識保護海洋動物

呢個活動適合一家大小參與，讓小朋友自小認識參與海洋野生動物觀賞時嘅正確態度及行為，學懂珍惜本港寶貴嘅海洋資源。

週末好去處 ｜環保概念之旅免費遊 4D電影+玩AR/VR遊戲+導覽

漁護署亦希望藉呢次活動，提醒市民觀賞本地中華白海豚時，記得遵守《觀豚活動守則》，唔好干擾任何喺本港水域出現嘅鯨豚類動物呀。

三月份嘅活動將分別於海下遊客中心、奧海城二期、荷里活廣場和DŸPark 愉景新城舉行，有興趣嘅家長可留意漁護署「香港海洋教室」Facebook專頁。

活動詳情（部份）
【賞．惜 海洋野生動物節】第一站
日期：2024年1月所有週末
時間：上午10時半至下午1時；下午2時至5時半
地點：大埔元洲仔里 元洲仔自然環境保護研究中心
費用：全免
報名：https://bit.ly/ihfestival

【賞．惜 海洋野生動物節】第二站
日期：2024年1月13日至2月13日 所有週末及公眾假期
時間：上午10時至下午7時
地點：香港海洋公園 威威天地
註：無需預先報名