臨近聖誕，唔少商場都換上應節佈置，想好好計劃同家人一齊度過聖誕及新年假期，小編為你整合今個聖誕好去處，當中的打卡位唔好錯過，鍾意卡通人物的，都有好多心水選擇。

打卡並非女生專利！踏入12月，全港多個聖誕裝置陸續登場，當中兩個聖誕打卡熱點以男生喜愛的科技、機械、鐵路等元素建成，更設刺激遊樂設施。兩個熱點分別位於灣仔「水上運動及康樂主題區」及堅尼地城「卑路乍灣海濱長廊」，交通十分方便，無論大人小朋友都適合到訪拍照！

香港有不少别具一格的創作，今個聖誕有兩個本地特色插畫角色跳出平面，換上聖誕裝扮，帶領一眾朋友舉行派對，與大家在「茶果嶺海濱公園」及「荃灣海濱長廊」歡度佳節！一起支持本地創作，到場拍照留影吧！

今個12月，聖誕老人、雪人、薑餅人等童話人物紛紛登陸香港三個海濱，包括灣仔「HarbourChill海濱休閒站」、北角「東岸公園主題區」及銅鑼灣「活力避風塘主題區」，各以不同主題建造而成，設獨特「打卡位」和奇妙體驗，與大家度過一個歡樂又美妙的聖誕！

小朋友平時睇醫生先接觸醫護人員，有時想更認識呢個行業都冇乜機會。伊利沙伯醫院將在12月3日舉辦社區健康嘉年華，專科醫生、護士同專職醫療人員等準備咗超過20個遊戲攤位，小朋友仲可以體驗「傷口縫針」、着醫生護士制服「打卡」，非常適合一家大小。