fbpx
【假日好去處】大澳水鄉花燈節 2021開幕 逾千花燈任打卡 /繪製燈籠 / 市集

疫情影響下,原本一年一度舉行嘅 大澳水鄉花燈節 被逼暫停,而時隔兩年後終於強勢回歸!今屆繼續有逾千手繪花燈滿佈大澳街道,現場更有市集及音樂會呈現大澳獨特嘅文化同歷史,一於趁今個中秋節帶同小朋友欣賞大澳水鄉獨有嘅魅力啦!


大澳水鄉花燈節 開幕 必影逾千唯美花燈/行市集

「大澳水鄉花燈節」自2018年開始便於每年中秋節舉辦,可惜受到疫情嘅影響而停辦兩年,今年終於能回歸,並於9月11日進行亮燈儀式。「大澳水鄉花燈節2021」由「香港開⼼D 」及「⼤澳非茂⾥」主辦,大澳每條大街都會掛滿手繪花燈,逾千個手繪花燈同時亮燈將會相當壯觀而唯美,絕對會令大家打卡打到無停手。

工作坊、市集、音樂會 體驗大澳水鄉情懷

除咗可以瘋狂打卡之外,「大澳水鄉花燈節2021」仲會有⼩⿓賽市集、搖櫓游涌、⽂化體驗團、攝影相⽚展、⾳樂會等多姿多采嘅活動同體驗,唔單止可以感受到大澳獨有嘅水鄉情懷,同時可以感受到大澳⼈團結互愛精神所帶嚟嘅正能量同希望,大家記得唔好錯過呢個一年一度嘅活動喇!

「大澳水鄉花燈節2021」
日期 : 2021 年 8 月 至 10 月

「大澳水鄉花燈節2021」—亮燈
日期 : 9 月 11 日 至 10 月 9 日
時間 : 6 : 30 pm– 9 : 00pm

[]