fbpx
週末好去處|荷里活廣場「屁屁偵探 ‧ 噗噗!聖誕大冒險!!」3大打卡場景展開白色冬日之旅

全港首個以屁屁偵探為主題之聖誕裝飾

今個聖誕想帶小朋友嚟商場感受節日氣氛?荷里活廣場以屁屁偵探為主題嘅「屁屁偵探.噗噗!聖誕大冒險!!」一定啱晒你!由即日起至2023年1月2日,屁屁偵探同埋一眾角色齊齊嚟到聖誕小鎮同大家影相打卡,仲同埋你哋暢玩遊戲兼贏獎品歡度聖誕!

率先要介紹3大必到打卡位,當中包括:屁屁偵探同助手布朗現身「聖誕小鎮」入口歡迎大家,再去參觀「幸運貓咖啡店」,店長同女兒小鈴特別擺放咗一棵4米高嘅聖誕樹喺「幸運貓咖啡店」,然後去埋圓頂冰屋欣賞「屁屁偵探原稿展」,一次過睇哂屁屁偵探各個角色嘅動畫設定!

打完卡就梗係要去挑戰4大互動遊戲啦!首先係測試大家身手同準繩度嘅「屁屁偵探冰壺大挑戰」;喺「尋找聖誕禮物」電子遊戲中,要喺限時內收集最多數量嘅聖誕禮物呀;記得免費試玩埋最新推出嘅《屁屁偵探 噗噗!未來名偵探登場!》Nintendo Switch遊戲,同一眾心愛角色組成破案小隊,完成追蹤小遊戲將犯人緝拿歸案;最後仲可以參加「小偵探解謎大挑戰」,破解5個隠藏密碼贏取獨家屁屁偵探禮品!

喺12月指定周末,屁屁偵探仲會驚喜現身同大家見面!粉絲們記得要參加「屁屁偵探見面會」同屁屁偵探影相selfie,留下美好回憶!

想更深入了解屁屁偵探嘅粉絲們,千祈唔好錯過「屁屁偵探繪本限定店」搵你心愛嘅屁屁偵探繪本同圖書!推廣期間,更可以憑即日消費或VIC會員積分換領獨家限定嘅屁屁偵探「冬日保溫壺」同埋「聖誕填色套裝」,集齊各款精品,一次過帶哂返屋企!

3大屁屁偵探打卡位:

1.「聖誕小鎮」入口

屁屁偵探首次以聖誕老人造型與助手布朗現身聖誕小鎮,誠邀大家同佢哋一齊體驗刺激又好玩嘅聖誕大冒險之旅!

2.「幸運貓咖啡店」

嚟到「幸運貓咖啡店」當然要參觀店長同女兒小鈴特別擺放咗一棵4米高嘅聖誕樹,無論樹上或咖啡店都掛滿閃亮嘅燈飾,令整個小鎮都充滿濃厚嘅聖誕氣氛,仲可以同尖耳警官同埋粗頸警官一齊享受呢個美好時光!

3.「屁屁偵探原稿展」

圓頂冰屋裡面收藏咗9幅《屁屁偵探》動畫角色設定原稿,粉絲們可以一次過睇晒《屁屁偵探》嘅創作過程同埋各個角色動畫設定啦!

4大屁屁偵探互動遊戲體驗:

1. 聖誕至Fun「屁屁偵探冰壺大挑戰」

喺「屁屁偵探冰壺大挑戰」遊戲中,4位參加者需輪流上場將冰壺推出,再諗辦法將對方嘅冰壺撞走,令自己嘅冰壺留係紅色圓心之中獲得最高分數。每次推壺都可以測試大家嘅身手同準繩度,同時考驗各位參加者嘅腦筋,籌謀必勝策略!推到指定分數仲有機會獲得精美限定禮品一份!

2. 走進聖誕森林展開「尋找聖誕禮物」之旅!

鍾意打機嘅粉絲們記得參加「尋找聖誕禮物」電子遊戲,喺限時內搵到指定數量嘅禮物,即有機會贏取精美禮品!

3. 免費試玩 Switch最新遊戲  成為未來偵探新星!

當然唔少得要玩埋最新推出嘅《屁屁偵探 噗噗!未來名偵探登場!》Nintendo Switch遊戲,粉絲們可以同自己心愛角色齊齊組隊成破案小隊,探聽情報再用相機拍攝關鍵罪證。搵到犯人時,記得要眼明手快完成追蹤小遊戲將佢緝拿歸案!

4. 商場內尋找線索解開5大謎題贏獎品

想化身成為小偵探嘅話,就要玩埋「小偵探解謎大挑戰」!大家只要即日喺場內以電子貨幣消費滿HK$100換領「小偵探解謎大挑戰」任務卡,再喺場內5個任務地點尋找線索去解開5大謎題!只要成功解開謎底,並喺任務卡上準確填寫5個隱藏密碼,就有機會贏取限量版屁屁偵探精美禮品,仲得到屁屁偵探嘅認可!

與人氣屁屁偵探見面  大派聖誕驚喜

12月10日至2023年1月1日期間,大受歡迎嘅屁屁偵探會喺週末同公眾假期驚喜現身,如果想同屁屁偵探近距離見面嘅粉絲們就唔好錯過「屁屁偵探見面會」啦!

屁屁偵探繪本限定店  換領偵探必備冬日用品

打完卡又挑戰晒4大互動遊戲,當然要去埋「屁屁偵探繪本限定店」,各位家長同小朋友們可以喺旁邊嘅圖書閣率先閱覽部份圖書,然後再買埋心愛嘅圖書返屋企同屁屁偵探共度聖誕佳節!

想要埋屁屁偵探獨家限定嘅精品做聖誕禮物?即日起,顧客憑即日消費或VIC會員憑積分就可以換領屁屁偵探「冬日保溫壺」同「聖誕填色套裝」,粉絲們就可以集齊各款精品過聖誕啦!

[]