每次消防處舉辦公眾活動都大受一家大細歡迎，消防處9月分別在西九文化區同中山紀念公園舉行防火嘉年華，多個展示活動及遊戲攤位，包括消防及救護工作體驗、火警調查犬表演、消防局及滅火輪充氣彈床等，唔使搶飛，仲係免費入場，家長們留意日子同地點啦！

1.油尖旺社區應急防火嘉年華

消防處在9月16日於西九文化區藝術公園舉行「油尖旺社區應急防火嘉年華2023」，係賀國慶活動之一。嘉年華有唔同活動，包括消防及救護工作體驗、心外壓示範、危害物質處理演練、消防無人機展示、滅火機械人示範、消防救援專隊示範、火警調查犬表演。除咗體驗同睇示範外，小朋友可以玩消防局及滅火輪充氣彈床，最啱放電。活動毋須門票，免費入場。