香港有好多可以免費參觀又學到嘢嘅展覽館，今次Blogger媽媽同豬仔包擔任親子試玩員 ，參觀位於九龍灣機電工程署新總部大樓嘅「機電‧夢飛翔」展覽館，通過導賞同互動展品，了解機電署嘅機電工程及日常工作。

設免費自助或專人導覽

「機電‧夢飛翔」展覽館及教育徑分為自助導覽及專人導覽兩種，自助導覽無需預約，公眾可以在開放期間自由參觀；專人導覽 則需要填妥表格向機電工程署預約，費用全免。