學識唔同技能令生活更有趣味。職業訓練局（VTC）將於10月22日喺西九文化區舉辦「玩轉技能」嘉年華，有逾30項表演及攤位活動，小朋友可以玩「Dok Dok機器車」，學識編程技巧、用糖霜裝飾「再生曲奇」等等，寓教於樂。
4大主題區
VTC「玩轉技能」嘉年華設有四大特色主題區，包括時裝及文化區「Art Like天地」、運動與健康區「智Fit挑戰站」、廚藝示範區「星級料理坊」和人寵共樂嘅「寵物．童．學會」區域。多個互動遊戲及創意工作坊俾大家動手體驗。
學STEAM知識
鍾意機械和汽車嘅小朋友，可體驗在氫燃料模型車賽道上競速，鬥快組裝氫燃料模型車，並手動攪動裝置以產生電能驅動模型車在賽道上奔馳，從中了解水電解和氫氣發電嘅原理，認識潔淨新能源。另一個攤位「Dok Dok機器車大戰」，玩家利用遙控，鬥快弄破綁在對手車上嘅氣球為勝，考驗手眼協調和應變力，認識編程技巧。
競賽攤位學力學
喜歡桌上和益智遊戲嘅參與者可到「碰碰豬」競賽攤位，呢個遊行以傳統遊戲「彈波子」和桌球為藍本，設計出全新嘅科學球類遊戲，以發泡膠及橡膠等物料製成「巨型波子」，玩家要鬥快將「波子」撞入棋盤洞內，認識碰撞嘅力學原理，寓學習於玩樂。
分子料理、翻糖示範
中華廚藝學院學生會表演動感手工拉麵，將七彩嘅麵團以拉動和伸展技術形成長細麵條，展現中國傳統技藝功夫；國際廚藝學院擺「繽紛翻糖藝術」攤位，示範翻糖玫瑰花、小熊等精緻造型。酒店及旅遊學院設「五感分子雞尾酒調配」攤位，大家可品嘗分子料理。
THEi跨學科食物副產品研究中心利用豆渣和蛋糕碎，將風乾再磨成粉，混入麵粉、牛油及糖後製成「再生曲奇」。參與者可親手用糖霜裝飾「再生曲奇」。
DIY紀念品
鍾意手作嘅朋友可以參與「潮流達人首飾製作室」，製作捕夢網小飾物；或參與「中式服裝書簽DIY」工作坊，製成獨一無二嘅手作紀念品；大家亦可利用牛仔布碎，升級再造製成布藝杯墊。
週末好去處 ｜環保概念之旅免費遊 4D電影+玩AR/VR遊戲+導覽
現場亦有Music Busking、時裝匯演等。學生當日將在西九文化區海濱草坪寫生，參加者可拎走由畢業生繪畫嘅手提袋作紀念品
VTC「玩轉技能」嘉年華
日期：10月22日（星期日）
時間：早上10時至下午6時
地點：西九文化區海濱草坪
網址：https://www.vtcskillsfiesta.hk/tc/
入場費：免費
*部分工作坊、體驗活動和互動遊戲需經網上預先報名／以現場報名方式供公眾即場輪候參與，額滿即止。